Zenbait saiakuntza eginda, Ipar Karolinako Iparraldeko Unibertsitateko ikertzaileak ohartu ziren emakumeek salto egiten dutenean, euren belaunak zuzenago eta elkartuago egoten direla. Modu ezberdinetan lasterka egiteko eta plataforma bat zeharkatzeko eskatu zieten, eta emakumeek norabide ezberdinetan egiten zuten indarra neurtu zuten. Orduan konturatu ziren emakumeek bihurdura-indar handiagoa egiten dutela belaunekin.
Belauna bat-batean okertzeak edota presio gehiegi egiteak aurreko lotailu gurutzatua apur dezake. Halako lesioak ia zortzi aldiz arruntagoak dira emakumezkoen kasuan gizonezkoenean baino, saskibaloian, futbolean eta boleibolean, esaterako.
Orain arteko ikerketetan, emakumezkoen lotailuen tamaina edota menstruazio-zikloa erabiltzen ziren mota honetako lesioen maiztasun handiagoa azaltzeko, eta berez anatomia- eta
hormona-ezberdintasunek eragina izan badezakete ere, gutxienez oraingoan, entrenamendu hobeen bidez, horrelakoak saihestu ahal izango dira.
Lasa Iglesias, Aitziber
STEAM Hezkuntza arloko arduraduna
Industria Ingeniaria, energia-tekniketan espezializatua (UPV/EHU) eta multimedia-ikasketak egina (UOC), Elhuyar Fundazioan dihardu 2002az geroztik, Zientziaren eta Teknologiaren gizarteratze-lanetan. Nagusiki haurrentzako eta gazteentzako proiektuetan ibilia, lehiaketak, aldizkariak eta bestelako proiektuak jarri ditu martxan Elhuyarren. 2006tik 2010era arte, BTEK Teknologiaren Interpretazio Zentroaren proiektu museologikoaren eta museografikoaren koordinatzailea izan da. Gaur egun, museografiaren ardura du Elhuyar Fundazioan, zientzia-zerbitzu espezializatuen eremuan.
Proiektu berrien diseinuaz gain, publiko desberdinei zuzendutako hainbat proiekturen ohiko kolaboratzaile ere bada gaur egun.
