Tximeleten joan-etorriei jarraitzeko radar txiki batzuk erabili dituzte Erresuma Batuko ikertzaile batzuek.
Azaldu dutenez, tresnatxoa tximeletaren bizkarrean itsasteko, ileak kendu behar izan dizkiete lehenengo, eta, gero, itsasgarria erabili.
Ikerketaren helburua tximeletei jarraitzea izan da; izan ere, itxuraz noraezean egiten dituzten jirabirak bilaketan dabiltzanean egiten omen dituzte —janari bila edo aterpe bila dabiltzanean, alegia—; beste batzuetan, aldiz, bide zuzenago bati heltzen omen diote lurretik gertu, harrapari bati ihes egiteko, edo ingurunez aldatzeko, dirudienez.
Argazkia: BBSRC (Erresuma Batuko Biotechnology and Biological Sciences Research Council).
Rementeria Argote, Nagore
Elhuyar Zientziaren Komunikazioa
Elhuyar Zientzia eta Teknologia aldizkarian erredaktore lanak egiteaz gain, irratian ere aritu izan da: aurkezle gisa egin zituen hainbat urte Euskadi Irratiko Norteko Ferrokarrillean Guillermo Roarekin batera. Gaur egun Teknopolis telebista-saioko erredaktorea da, ETBrentzat Elhuyar Fundazioak ekoizten duen saioan.
