1995. urtean abiatu zen biziaren zuhaitzaren web gunea proiektua (The Tree of Life Web Project). Proiektu horren helburua da ahal bezainbeste informazio ematea bizidunen dibertsitateari eta filogeniari edo ahaidetasunari buruz. Espezie guztien eta bizidun-talde guztien informazioa, irudiak eta interesgarriak izan daitezkeen datuak bildu nahi dituzte.
Web guneari berari zuhaitz adarkatu baten itxura eman diote, eta adar edo orrialde batetik bestera ibil daiteke edozein bizidunen berri izateko, eta bizidunen arteko ahaidetasuna ezagutzeko. Mundu osoko jendeak egiten ditu ekarpenak; gai bakoitzean adituak direnek informazioa ematen dute, eta, irudiak, adituek nahiz aditu ez direnek ematen dituzte. Honako hau, adibidez, Araneus quadratus armiarmaren argazkia da, Cesare Brizio lurraren zientzietako aditu italiarrak egina.
Irudia: Cesare Brizio
Lakar Iraizoz, Oihane
Elhuyar Zientzia Elhuyar Fundazioko Zientziaren Komunikazioa sailean ari da lanean 2006ko urriaz geroztik. Elhuyar Zientzia eta Teknologia aldizkarian ia hilabetero artikuluak argitaratzen ditu, eta Basque Research webguneko arduraduna eta erredaktorea ere bada. Euskal Herrian egiten den ikerketaren berri ematen du Basque Researchek. Biologian lizentziatua da, Leioako EHUn egin zituen ikasketak, eta, Elhuyar Fundazioan baino lehen, Bertiz Jaurerria Parke Naturalean aritu zen lanean, bisitariei harrera egiten eta ingurunea zaintzen.
