Beira metalak bezala hausten da?
2003/05/01 Elhuyar Zientzia Iturria: Elhuyar aldizkaria
Beira eta metalak zeharo desberdin hausten dira. Metalak hautsi aurretik deformatu egiten dira. Beira, aldiz, bat-batean hausten da, zakarki, horregatik esaten da material hauskorra dela. Baina Montpellierko Unibertsitateko eta CEA laborategiko ikertzaileen arabera, hausterakoan sortzen den pitzadura oso antzekoa da bietan eskala nanoskopikoan begiratuz gero.
![](images/A187015.jpg)
Metaletan akastun hutsuneak elkartuz gauzatzen da normalean pitzadura. Ondorioz, pitzadurak bereizitako azalerak zimurrak dira eskala mikrometrikoan. Eskala berean, hautsitako beiraren pitzadura-azalerak leunak dira, baina eskala nanometrikora jaitsiz, pitzadura-azalean zimurrak ikusten dira, metaletan bezala.
Beiran agertutako zimurrak ere akastun hutsuneek eragindakoak direla frogatzeko, pitzadura-azaleraren analisi topografikoa erabili dute. Dirudienez, ikerketa honek beiraren egituraren diseinua hobetzen eta apurketaren oinarrizko mekanismoak ezagutzen lagunduko du.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia