Behe-mantua aztergai

L. Boschi

Lurraren nukleo metalikoa silikatozko mantu batek inguratzen duela uste da, baina bien arteko mugaren eta behe-mantuaren ezaugarriak ez dira ondo ezagutzen.

Handik ezin direnez laginak lortu, abiadura sismikoa eta dentsitate-mapak erabili dituzte orain arte informazioa lortzeko. Horren bitartez ondorioztatu diren egitura batzuk, ordea, ezin dituzte azaldu. Hori da, adibidez, mantuaren eta nukleoaren arteko mugatik 200 km-ra dagoen D etengune sismikoaren kasua.

Magnesio silikatoa aztertuz lortu dute horri buruzko informazio berria. Izan ere, behe-mantuaren ustezko osagai nagusietako bat da silikato hori. Laborategian egindako proben arabera, D etenguneko presioan eta tenperaturan fase-aldaketa bat pairatzen du, eta horrek eragiten du etengunea.