Asteko argazkia: gepardo momifikatua

Naturalki momifikatutako zazpi gepardo azaldu dira Arabiar penintsulan, basamortuko lurpeko kobazulo batean. Dagoeneko desagertutako espezie batekoak dira, Acinonyx jubatus. Duela urte batzuk arte, gepardoak Afrikako zati handi bat zabalduta zeuden, baita Asia mendebaldean ere, baina, gaur egun, bere zabalkunde historikoaren % 9 baino ez dute hartzen. Arabiar penintsulatik 1970an desagertu zirela uste da. Zazpi gepardoetatik hiruren sekuentzia genetiko osoa jaso dute.

Gepardo momifikatuez gain, beste 54 felinoren hezurrak ere azaldu dira, Arar hiritik gertuko bost kobazulotan, Saudi Arabiako iparraldean.