Argi-itzalak ‘ikustearen’ garrantzia
2001/05/21 Elhuyar Zientzia
![](images/E010521.jpg)
Nature aldizkariaren web gunean argitaratu denez, saguekin egindako ikerketa baten arabera, ugaztunen begietan dagoen pigmentu bati esker argi-itzalekin erlazionatuta dauden funtzioak erregulatzen dira.
Nonbait, pigmentu hori argiarekiko sentikorra da; horrela, sagu itsuak ere eguna eta gaua bereizteko gai dira eta argi-mailarekin erlazionatutako funtzioak eta jokaerak gordetzen dituzte, hala nola, erritmo zirkadianoa edo jateko orduak.
Izan ere, argitasun-aldaketak antzematea bakarrik erretinako konoen eta makilen menpe egongo balitz, gauaren iluntasuna urratzen duen tximista bat nahikoa litzateke gorputzeko ordularia berrezartzeko.
![](https://elia.eus/static/elhuyar/img/elia_RGB.png)
eu es fr en ca gl
Gai honi buruzko eduki gehiago
Elhuyarrek garatutako teknologia