Estatu Batuetako Zientzia Fundazioak (NSF) esan du litekeena dela Puerto Ricoko Arecibo irrati-teleskopio erraldoiaren jarduera eten behar izatea. 1963an jarri zuten martxan eta munduko astronomia-instalaziorik handiena da: platerak 300 metroko diametroa du eta 900 tonako islatzailea dauka esekita 137 metrora, 48 kilometro kableren laguntzaz. 2011n, ordea, litekeena da ateak itxi behar izatea, inor ez badute aurkitzen martxan edukitzeko beharrezkoa den dirua jartzeko prest; izan ere, orain arte teleskopio honetarako erabiltzen zen dirua programa berrietara bideratuko baitute... Aurrekontuetan murrizketak izan dituzte, eta dirua zertan gastatu erabakitzea zaila izan dela diote. Azkenik, Areciboren etorkizuna kolokan utzi dute.
Argazkia: NSF erkundearen NAIC - Arecibo Observatory baliabidea
Lakar Iraizoz, Oihane
Elhuyar Zientzia Elhuyar Fundazioko Zientziaren Komunikazioa sailean ari da lanean 2006ko urriaz geroztik. Elhuyar Zientzia eta Teknologia aldizkarian ia hilabetero artikuluak argitaratzen ditu, eta Basque Research webguneko arduraduna eta erredaktorea ere bada. Euskal Herrian egiten den ikerketaren berri ematen du Basque Researchek. Biologian lizentziatua da, Leioako EHUn egin zituen ikasketak, eta, Elhuyar Fundazioan baino lehen, Bertiz Jaurerria Parke Naturalean aritu zen lanean, bisitariei harrera egiten eta ingurunea zaintzen.
