Marteren irudi gehiegi ditu NASAk. NASAko adituek dagoeneko ezin dituzte bat banaka aztertu eta ikertu. Ez aztertuta, ordea, oso informazio baliagarria gal liteke. Bada, arazo horretatik ateratzeko bide bat bururatu zaie: aisialdirako joko bihurtzea irudi horien azterketa-lana.
Webgune bat sortu dute, jendea jolasean aritu dadin, Marteren ikertzaile izango balitz bezala. Hala, jokoetako batean, adibidez, NASAren irudiak aztertu eta sailkatu ahal izango dira, Marteren irudi edo mapa osoago bat sortzen laguntzeko. Beste batean, argazkietan ageri diren krater-talkak zenbatu beharko dituzte erabiltzaileek, ikertzaileei laguntzeko zehazten zer adinetakoak diren Marteko arrokak.
NASAko adituak ziur daude publiko orokorraren laguntzarekin askoz aurkikuntza gehiago egin ahal izango dituztela Marten ateratako argazkietan.
Irudiak: NASA, ESA, JPL, Caltech Jet Propulsion Laboratory
Lakar Iraizoz, Oihane
Elhuyar Zientzia Elhuyar Fundazioko Zientziaren Komunikazioa sailean ari da lanean 2006ko urriaz geroztik. Elhuyar Zientzia eta Teknologia aldizkarian ia hilabetero artikuluak argitaratzen ditu, eta Basque Research webguneko arduraduna eta erredaktorea ere bada. Euskal Herrian egiten den ikerketaren berri ematen du Basque Researchek. Biologian lizentziatua da, Leioako EHUn egin zituen ikasketak, eta, Elhuyar Fundazioan baino lehen, Bertiz Jaurerria Parke Naturalean aritu zen lanean, bisitariei harrera egiten eta ingurunea zaintzen.
