Aireko eskanerra

Hydice (Hyperspectral Digital Imagery Collection Experiment) izeneko tresna berria lurrean ezkutatuta dauden gauzak topatzeko eskanerra da. Oso sentsore aurreratua du, une berean uhin-luzera ugari atzeman ditzakeena. Hegazkinean jarrita eremu handiak eskanea ditzake, irudiak jaso eta milaka pixeletan banatuz. Pixelak 210 uhin-luzeratan banatzen ditu, era berean. Horien azterketan topatu nahi den objektuaren (esaterako, jantziren baten kolorearen edo metal baten) jakineko ezaugarriak bilatuko ditu.

Orain arte, Hydice-k erabilpen gutxi zituen, baina algoritmo berri bati esker jakineko mineralen % 5 besterik ez duten lur-eremuak ere topa ditzake. Hori da, hain zuzen ere, erabilera nagusia: basoak estalita egonik argazki edota bestelako tekniken bidez gaitzak diren meategiak topatzea. Baina nola, ez, txangozale galduak, ibilgailuak edota arma kamuflatuak aurkitzeko ere erabil daiteke.