Elhuyar zientziaren komunikazioa

Polinizatzaileek bereizten dituzte, kolorean dago gakoa

2003/11/18 Elhuyar Zientzia

Irudiko lore gorria Mimulus cardinalis da, eta azpikoa, arrosa-kolorekoa, Mimulus lewisii. Biak ingurune geografiko berean bizi dira: Kaliforniako Sierra Nevada mendietan. Bi landareek oso antzeko loreak dituzte, baina, hala ere, animalia polinizatzaile desberdinak dituzte: M. cardinalis kolibriak polinizatzen du eta M. Lewisii erleak.

Itxuraz, kolorea denez bi landare-espezie horien loreen artean dagoen alderik nabarmenena, polinizatzaileak lorea kolorearen arabera aukeratzen duela pentsatu zuten Michigan estatu-unibertsitateko ikertzaileek. Eta, uste hori frogatu nahian, lorearen kolorea kodetzen duen YUP genea trukatu zuten bi landareen artean: M. cardinalisi M. Lewisiiren genea jarri zioten, eta, alderantziz. Ondorioz, M. cardinalisek lore arrosa ilunak izatea lortu zuten eta M. Lewisiik lore laranjak izatea.

Landare hibridoak jatorrizko bizilekuan jarri zituzten eta, hara non, kolibriak M. lewisiira gerturatu ziren eta erleak M. cardinalisera. Ezohikoa dirudien jokaera horrek frogatzen du lorearen koloreak erakartzen duela polinizatzailea.

Kolore desberdinetako loreak dituzten landareak animalia desberdinek polinizatzeak ondorio interesgarriak ditu; izan ere, horrela, landare horien arteko ugalketa eragotzi da, eta, horri esker, bi landare-espezieak fisikoki geroz eta gehiago bereizten joan dira.

Argazkia: Nature

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia