Begia. Argia. Zaldia

Hori da hurrenkera. Egia esan, zaldia lehenagotik zegoen: 20.000 urte baino gehiago zeramatzan Mañariako Askondo kobazuloaren sarrerako horman. Ikusezina zen, ordea. Arkeologoen begiek sumatu zuten arte. Orduan, argia erabili zuten, agerian jartzeko. Zehazki, argazkilaritza multiespektralari esker bihurtu zuten ikusgai irudi lausotu hura. Eta orain bai, orain gure begiek ere bereizten dute zaldia, margotu eta 20.000 urte geroago.