Onintze Salazar Pérez: Eguraldia aldatu da, ala aldaketa klimatikoagatik da?

Azkenaldian, muturreko fenomeno meteorologiko ugari ikusten dira gure inguruan: uholdeak, lehorteak, galerak... Horrekin batera, aldaketa garbiak ikusi dira gure ingurunean: Pirinioetako glaziarrak desagertzen ari dira, animalia migratzaileek ohiturak aldatu dituzte, Landarediaren egitura eta hedapena ere aldatzen ari dira. Eguraldia gainera, diotenez, ez da garai batekoa. Zenbateraino dira aldaketa horiek normalak edo berotze globalaren ondorioak?

Aldaketa horiei buruz hitz egin du Onintze Salazar Perez fisikari eta meteorologoak, Elhuyarreko Ana Galarraga Aiestaranekin, Emakume zientzialarien argitan solasaldi-zikloaren barruan.

Zikloak emakume zientzialariak ezagutzera ematea du helburu, eta Elhuyar eta Donostia Kulturaren arteko elkarlanaren emaitza da.