Tximino-baztangari ingelesez Mpox deitzea erabaki du OMEk

Tximino-baztanga Afrikatik kanpo hedatzen hasi zenetik, zalantzak egon dira izenaren egokitasunari buruz. OMEk dauka izenak aldatzeko ardura, eta gaia aztertuko zuela agindu zuen. Bitartean, komunitate zientifikoak birusaren aldaerei izena aldatzea erabaki zuen eta, Kongoko arroa eta Afrika mendebaldearen ordez, 1 eta 2 deitzea erabaki zuen. Gaitzaren izenak, berriz, tximino-baztanga izaten jarraitu du, eta hura eragiten duen birusarenak, Orthopoxvirus monkeypox.

Orain, gaitzari ingelesez Mpox deitzea erabaki du OMEk, eta oraindik aztertzen ari dira beste hizkuntzetan nola deitu.