“Ingurumenari buruzko komunikazioa klima-larrialdiaren aurrean” mintegia egingo da datorren otsailaren 23an, Donostiako GFAren Etorkizuna Eraikiz espazioan. Online ere jarraitu ahal izango da.

Elhuyarrek ingurumenari buruzko komunikaziorako dekalogoa sortu berri du, zientzialariek, gizarte-eragileek, hezkuntza-eragileek eta zientzia-dibulgatzaileek elkarlanean egindako prozesu baten ondoren. Mintegi honetan, dekalogo horren berri emango da eta, segidan, mahai-ingurua egingo da, zientzia eta komunikazio arloko profesionalen artean hausnarketa egiteko helburuarekin.

Egitaraua

• 11:00 - 11:05: Gipuzkoako Foru Aldundiaren ordezkariaren agurra.
• 11:05 - 11:15: Jon Abril Olaetxea Elhuyarreko koordinatzailearen agurra, eta Ingurumenari buruz Komunikatzeko Elhuyar Dekalogoaren aurkezpena.
• 11:15 - 12:30: Mahai-ingurua: Ingurumenari buruzko komunikazioa klima-larrialdiaren aurrean.
  • Moderatzailea: Guillermo Roa Zubia, Elhuyarreko zientzia-komunikatzailea (‘Ekosfera’ eta ‘Norteko Ferrokarrila’ irratsaioen gidaria).
  • Parte-hartzaileak:
    • Unai Pascual Garcia de Azilu, BC3ko ikertzailea
    • Eli Pagola Apezetxea, Naiz irratiko “Gelditu makinak” ingurumen-saioko kazetaria
    • Estitxu Villamor Lomas, EKOPOLeko ikertzailea eta gizarte-eragilea
    • Aitziber Agirre Ruiz de Arkaute, Elhuyarreko zientzia-komunikatzailea eta dekalogoaren koordinatzailea
• 12:30 - 13:00: Klownklusioak, Beatriz Egizabal Ollokiegiren eskutik.

Bertaratzeko, edo online jarraitzeko, osatu formularioa.

Proiektu hau Elhuyarrek sustatu du, eta ​Gipuzkoako Foru Aldundiko Ekonomia Sustapeneko eta Proiektu Estrategikoetako Departamentuaren laguntza du.