Gizakiak Lurreko baliabideak gehiegi ustiatzen ditu

Gizakiak Lurreko baliabideak gehiegi ustiatzen ditu, WWFk plazaratu berri duen txosten baten arabera. Arazo hori behin eta berriz salatzeaz gain, WWF talde ekologistak datu zehatzak ere eman ditu.

• Urtero, baliabide naturalak berritzeko Lurrak duen gaitasuna baino % 20 gehiago ustiatzen du gizakiak.
• Pertsona bakoitzak ez luke 1,9 hektarea lur eta itsaso emankor baino gehiago ustiatu behar. Zoritxarrez, batez beste, pertsona bakoitzeko 2,3 hektarea ustiatzen da.
• 
  Batez besteko datuak alde batera utzita, afrikar edo asiar batek 1,4 ha ustiatzen du, mendebaldeko europar batek 5 ha eta estatubatuar bakoitzak 9 ha.
• Ehunka animalia-espezieren bilakaera neurtuta, azken hogeita hamar urteetan % 35eko gainbehera nabarmendu da. Ur gezako 195 animalia-espezieren gainbehera % 54raino heltzen da.
• Erritmo horretan jarraituz gero, 2030erako, bizi-kalitatearen eta garapenaren gainbehera hasiko da eta, 2050ean, munduko populazioak Lurraren potentzial biologikoaren % 180-220 kontsumituko du.
• Etorkizun hori saihesteko bide bakarra gobernuek lehenbailehen neurri egokiak hartzea da.

Txosten osoa hemen