Elhuyar zientziaren komunikazioa

Garuneko tumoreen garapenean funtsezkoa den genea identifikatu dute

2017/05/16 Elhuyar Zientzia Iturria: Elhuyar aldizkaria

garuneko-tumoreen-garapenean-funtsezkoa-den-genea-
Arg. Afiller/Wikimedia Commons

Biodonostia OII-ko ikertzaileek eta Donostia Unibertsitate Ospitaleko medikuek elkarlanean, garuneko minbizi gaiztoen eta aldi berean ohikoenean gakoa den gene bat identifikatu dute (SOX1), Scientific Reports aldizkarian aditzera eman dutenez.

Berez, transkripzio-faktore bat da SOX1. Zelula ama helduen mantenuarekin lotuta dago eta sarritan dago isilarazita minbizian, defentsa-funtzioa egiten baitu tumore-zeluletan. Hau da, tumore ezabatzaile moduan jardun ohi du hainbat minbizi solidotan. Baina Ander Matheuk koordinatzen duen ikertzaile-taldeak SOX1en maila handia hauteman zuen pazienteengan biziraupen txikia eragiten duten tumore batzuren biopsian. Era berean, identifikatu dute SOX1-maila nabarmen areagotzen dela glioblastomaren sorreraren eta progresioaren erantzulea den tumore-zelulen populazio espezifiko batean.

Ikertzaileek glioma-zeluletan SOX1 isilarazi dutenean, hautematen dute zelulok galdu egiten dituztela ezaugarri gaizto guztiak, beren burua berritzeko ahalmena eta tumore-jarduera barne. Horregatik, ondorioztatu dute geneak funtzio onkogenikoa betetzen duela minbizi-mota horretan. Lanaren emaitzek estrategia berritzaileak identifikatzeko aukera eman diete Biodonostia OII-ko ikertzaileei, eta genea xede terapeutiko eta estratifikazioko biomarkatzaile gisa erabilitzea proposatu dute.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia