Descobren restos dun cúmulo globular desaparecido

A Corrente de Fenix (á esquerda) e as representacións de xigantes vermellos que utilizaron paira realizar a investigación (á dereita). - Ed. Swinburne Astronomy Productions/S5 C

Fai dous mil millóns de anos, a gravidade da Vía Láctea trituró un cúmulo globular a 62.000 anos-luz na constelación de Fénix. Agora, os astrofísicos puideron distinguir a pegada desta estrutura desaparecida, adoptando a forma dunha corrente estelar.

Cando se pon a mirar, sorpréndense. Un estudo publicado na revista Nature revela que as estrelas deste antigo cúmulo teñen menos elementos pesados que o resto dos cúmulos globulares. Segundo esta composición, serían moito máis antigas. Por iso creen que esta estrutura que denominaron Corrente de Fenix sería o último sinal dun tipo especial de cúmulo globular até agora descoñecido, e que foi creada moito antes que os preto de 150 cúmulos globulares na Vía Láctea, nos primeiros momentos do universo nos que os elementos máis pesados que o hidróxeno e o helio estaban menos accesibles.

Son estrelas de similar idade á da nosa galaxia, pero dispersas. No caso da Corrente do Fénix, con todo, estas estrelas mantivéronse dentro de una estrutura aínda indisoluble, polo que os astrónomos esperan obter información valiosa sobre a formación dos cúmulos globulares.