Elhuyar zientziaren komunikazioa

Bischoff eta garunaren pisua

2019/09/13 Galarraga Aiestaran, Ana - Elhuyar Zientzia

Oro ez da urre. Horixe gertatzen da zientzialari ospetsuekin ere. Egiten dituzten ikerketa eta aurkikuntzengatik ezagutzen ditugu, noski. Baina badute beste alde bat, pertsonalagoa, eta haien inguruko pasadizoak, zurrumurruak edo bitxikeriak aurkituko dituzu hemen.

 

bischoff-eta-garunaren-pisua
Theodor von Bischoff - Arg. Wikipedia

Atal honetako lehen protagonista Theodor von Bischoff zientzialari alemaniarra da. Bischoff oso ezaguna izan zen 1870 aldera egin zituen giza garunaren azterketengatik. Haren lanetako bat garunak pisatu eta batez besteko pisua kalkulatzea izan zen. Lortu zituen datuen arabera, batez beste gizonezkoen garunak emakumezkoenak baino gehiago pisatzen zuen: 1.350 gramo gizonenak, 1.250 emakumezkoenak.

Bischoff oso matxista omen zen, eta, datu horietan oinarrituta, gizonezkoen adimen-nagusitasuna aldarrikatu zuen behin eta berriro. Izan ere, gizonaren garunak emakumearenak baino 100 gramo gehiago pisatzen zituen; beraz, ez zuen zalantzarik: gizonezkoak azkarragoak ziren. Argumentu horiegatik, noski, garaiko emakumeen kritikak jaso zituen.

Bischoff hiltzean, berak hala nahi eta, haren garuna aztertu zuten. Eta ezetz asmatu zenbat pisatu zuen Bischoff-en garunak? 1245 gramo, emakumezkoen batezbestekoa baino gutxiago. Baten batek pentsatuko du ongi merezia zuela!

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia