Elhuyar zientziaren komunikazioa

Svalbard, izotzaren baitan

2013/05/01 Iturria: Elhuyar aldizkaria

Argazki guztiak ikusi

Svalbarden gogorra da negua. Lau ornodunek bakarrik egiten diote aurre: elur-orein edo karibuak ( Rangifer tarandus platyrhynchus ), eper zuriak ( Lagopus muta hyperborea ), lursagu batek ( Microtus levis ) eta azeri artikoak ( Vulpes lagopus ). Hala ere, klimaren mende daude.

Norvegiako Zientzia eta Teknologia Unibertsitateko ikertzaileek egindako ikerketa batek erakutsi duenez, muturreko eguraldiak lau animalia horien populazioen dinamika sinkronizatzen du. Batez ere, euriarekin ikusi dute eragin hori. Elur gainean euria egitean, izotz-geruza baten azpian gelditzen da dena; baita elur-oreinek, eper zuriek eta lursaguek elur-artean bilatu ohi dituzten elikagaiak ere. Hala, euriak hiru espezie horien populazioak jota utzi ditzake.

Azeriei berriz, urtebete beranduago eragiten die. Hasieran, euriak eta izotzak azeri-populazioaren gorakada ekartzen du. Izan ere, beste hiru espezieez elikatzen da azeria, eta negu gogorrean zenbat eta haietako gehiago hil, orduan eta janari erraz gehiago azerientzat. Hurrengo urtean komeriak; bizirik irauten duten belarjaleak indartsuenak baitira, harrapatzeko zailagoak, eta hiltzeko probabilitate txikiagoa dutenak.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia