Minbizia heredatzen denean

Gipuzkoako Kontseilu genetikoaren unitatean aholkuak ematen dizkiete herentziazko minbizia duten familiei. Aurrekariak aztertzen zaizkie, eta irizpide klinikoak betetzen badituzte, azterketa genetikoa egiten zaie. Alterazio genetiko bat izateak ez du esan nahi pertsona horrek minbizia garatuko duela ezinbestean, baina probabilitatea areagotzen denez, jarraipen neurriak proposatzen zaizkio eta, kasuan kasu, prebentziozko kirurgia.