Munduaren azkenera glaziarren atzetik

Glaziarren ikerketak askotan eraman ditu Patagoniara Ibai Rico eta Eñaut Izagirre UPV/EHUko geografo eta glaziologoak. Glaziarren bilakaera ikertzen dute eta Klima larrialdiak glaziarren osasunean duen eragina bertatik bertara ikusten ari dira. Oraingo honetan, Patagoniako txoko ezezagunenetako batean izan dira, Darwin mendikatean, Suaren Lurraldean. Zientzia, alpinismoa eta abentura uztartu dituen bidaiaren emaitza da Into the Ice dokumentala.