Abel sariak

Nobel sariak aipatu, eta komunikabideak itsu joaten dira albistea jasotzera, Norteko Ferrokarrilla barne. Baina Abel sariak oso erantzun eskasa izaten du gure aldetik. Abel saria matematikako sari handi bat da. Handi-handia, gainera; 6 milioi koroa norvegiar, 750.000 euro gutxi gorabehera. Ideia bat izateko, Nobel saria 1.100.000 euro inguru da. Alde ez da hain handia dirutan, baina bai ospean. Aurtengo Abel Saria dagoeneko banatu da. John Griggs Thompson estatubatuarrak eta Jaques Tits frantziarrak jaso dute, biek matematikako taldeen teorian egindako lanarengatik. Gaur, taldeen teorian ere lan egiten duen gonbidatu bat dugu gurekin.