Rosettaren azken agurra
2016/09/30 Galarraga Aiestaran, Ana - Elhuyar Zientzia Iturria: Elhuyar aldizkaria
Bukaerari ere "amaiera handia" deitu diote. Hasiera batean espazioan galduta uzteko edo kometaren aurka joarazteko asmoa bazuten ere, azkenean, poliki kometaratzea erabaki dute (90 cm/s-ko abiaduran jaitsiko da). Horri esker, kometaren azaleko oso gertuko irudiak jasotzeko aukera izango du, baita azterketa batzuk egitekoa ere. Kometaren azala jo orduko, ordea, itzali egingo da, eta kometarekin batera jarraituko du bidaiatzen, Eguzkitik gero eta urrutiago.
Edonola ere, misioa ez da hor amaituko, ikertzaileek jarraituko baitute bidalitako datuak aztertzen eta haietatik ondorioak ateratzen. Hainbat ezusteko eman ditu misioak orain arte: kometaren osaera, molekula konplexuak topatu izana, izotzaren eta ur-lurrunaren zikloa... Eta oraindik gehiago emango dituelakoan daude ikertzaileak.
Alde horretatik, guztiz arrakastatsutzat jo dute misioa, nahiz eta Rosettak kometaren azalean utzi zuen Philae zundak nahi baino denbora gutxiagoan funtzionatu zuen. Han zuzen ere, kometaratze gorabeheratsua izan zuen zundak, eta arrakala batean sartuta geratu zen. Leku horretan ez zuen Eguzkiaren energia jasotzen, eta bateriek iraun zuten artean bakarrik, hiru egunez, jaso zituen datuak. Gero, itzali egin zen. Eta laster itzalliko da baita Rosetta ere. Azken seinalea 13:18an jasotzea espero da.
Irakurri Elhuyar aldizkariak Rosettari buruz argitaratutakoak:
2016 ira. 6 - Rosettak Philae aurkitu du
2015 eka. 15 - Lozorrotik atera eta seinalea bidali du Philaek, 67P kometaren gainazaletik
2014 abe. 10 - 67P/Churyumov-Gerasimenko kometako ura ez da Lurreko ozeanoetakoaren antzekoa
2014 aza. 14 - Zailtasunen gainetik, Rosetta misioa aurrera doa
2014 aza. 12 - Philaeren kometaratzea, emozioz betetako operazioa
2014 aza. 6 - Rosetta misioa: kometan lur hartzeko gertu
2014 aza. 1 - Ander M. de Albeniz, Rosetta misioko ingeniariari elkarrizketa: “Rosetta oso berezia da: espazioan leiho bat izatea bezala da”
2014 aza. 1 - Argazki-galeria: 10 urteko bidea kometaren azalera
2014 ira. 15 - J izendatutako lekuan hartuko du “lur” Rosettaren Philae zundak
2014 abu. 6 - Rosetta iritsi da jomugara
2014 uzt. 17 - Rosetta misoaren jomuga nukleo bikoitzeko kometa bat da
2014 urt. 20 - Rosetta: lozorrotik aterata, helmugara berrabiatzeko prest
2003 mai. 1 - Rosetta-ren bigarren helburua
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia