Elhuyar zientziaren komunikazioa

Hizkuntza indoeuroparren jatorria

2004/02/01 Elhuyar Zientzia Iturria: Elhuyar aldizkaria

Duela hainbat urte ezaguna izan arren, antzinako hizkuntzak datatzeko glotokronologia-teknika indarberritu egin da metodo konputazional eta estatistikoen erabileraren laguntzaz. Hizkuntza indoeuroparren jatorriaren gainean egindako ikerketa batean, datu linguistikoak aztertu dituzte filogeniaren eta filologiaren arteko harremana bilatuz; hau da, DNAn gordetako informazioarekin espezieen arteko harreman ebolutiboak aztertzeko erabiltzen diren metodoak erabili dituzte hizkuntzen arteko harreman ebolutiboak aurkitzeko.

(Argazkia: E. Carton).

Lortutako eboluzio-zuhaitz posibleak gertaera historiko ezagunekin parekatuz, hizkuntza indoeuroparren oinarria litzatekeen protohizkuntza noiz hedatu zen kalkulatzen saiatu dira. Lortutako datuak hipotesi nagusiekin alderatuta, bat etorri dira duela 8.000-9.500 urte Anatoliatik nekazaritzarekin batera hedatu zela dioen teoriarekin.

Horrelako metodoek eztabaida sortu duten arren, ikertzaileek espero dute bizitzaren eta hizkuntzaren arteko harremana ikertzen dutenen artean ideia berrien ekarpena eragingo duela.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia