Elhuyar zientziaren komunikazioa

Zientzia.net entzun egin daiteke

Eta mugikorretarako egokitzen ere bukatu dugu

2014/04/02 Elhuyar Zientzia

zientzianet-entzun-egin-daiteke
Zientzi.net-eko testuzko edukiak entzun egin daitezke orain.

Zientzia.net entzun egin daiteke orain, Elhuyarreko Hizkuntza-Teknologien sailak eta EHUko Aholab taldeak garatutako teknologiei esker.

Ahots teknologiak ez dira berriak eta gaur egun nahiko aurreratuak daude, baina garapen maila ez da berdina hizkuntza guztietan: ingelesaren, gaztelaniaren, txineraren… kasuan oso aurreratuak daude teknologia hauek, baina gainontzeko hizkuntzetan askoz atzerago daude. Hala ere, Igor Leturiak Elhuyar aldizkarian dioen bezala, “euskara ez da, zorionez, azkeneko bagoian doazen horietakoa”.

Lan horretan aitzindari den EHUko Aholab ikerketa-taldeak kalitate oso oneko ahots sintetiko neutroa lortua du. Orain, Aholabekin elkarlanean, Elhuyarrek webguneak irakurri beharrean entzuteko teknologia garatu du, eta Zientzia.net-en eta Elhuyar aldizkariaren webgunean jarri. Zientzia.net-eko edozein testuzko edukitan “play” botoi bat dago orain. Hori sakatuta, artikulua entzuten hasiko gara. Entzuketan nabigatu ahal izateko botoiak ere badaude, eta gizonezko edo emakumezko baten ahotsa, bolumena zein abiadura alda ditzakegu. Probatu!

--> "Irakurri beharrean, entzun", Igor Leturia garatzailearen artikulua teknologiaren xehetasunez

Mugikorretara egokituta

Zientzia.net entzungai egitea ez da berrikuntza bakarra. Izan ere, webgunea mugikorretarako guztiz egokitzen ere bukatu dugu.

Iaz atera genuen m.zientzia.net-en lehen bertsioa.  Artikuluak eta agenda erakusten zituen, gaikako nabigaziorako aukera eskaintzen zuen, eta baita edukiak bozkatzeko, iruzkinak egiteko, eta sare sozialetan partekatzeko ere. Orain, beste pauso bat eman dugu, eta falta ziren edukiak dagoeneko m.zientzia.net-en daude. Batetik, hasiera-orria eta menua moldatu ditugu eduki berrietara egokitzeko, eta bestetik liburutegia, zientzia-irratia, zientzia TB eta argazki-galeriak eta bilatzailea gehitu ditugu.

Orain inoiz baino gehiago goza dezakezu zientzia.net-ez edozein unetan eta lekutan!

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia