Elhuyar zientziaren komunikazioa

2006ko urakanak

2006/06/01 Roa Zubia, Guillermo - Elhuyar Zientzia




Jadanik plazaratu dituzte ustez aurten Atlantikoan izango diren ekaitz tropikal eta urakanen iragarpenak. Iragarpen esanguratsuena NOAA agentzia estatubatuarrarena izaten da. Haien ustez, lau urakan bortitz izango dira gutxienez 2006an. Beste iragarpen batzuk, Colorado Estatu Unibertsitatearena eta Londresko Benfield Hazard ikerketa-zentroarena adibidez, antzekoak dira.

NOAAk 13-16 ekaitz tropikal iragarri ditu, eta, horietatik, 8-10 urakan izatera iritsiko dira; gainera, 4-6 oso urakan bortitzak izango dira. eragiten duten haizearen abiaduraren arabera sailkatzen dituzte ekaitzak; ekaitz tropikal, urakan eta urakan bortitz deritze gutxienez 62, 118 eta 178 kilometro orduko haizeak dituzten ekaitzei, hurrenez hurren. Datu horien arabera, ohi baino ekaitz gehiago izango da uda honetan, nahiz eta ez duten espero 2005eko ekaitz-kopurura iristea.

Ozeanoko uraren tenperatura, haizearen indarra eta beste hainbat faktore kontuan hartuta egin dute kalkulua. Baina adituak kezkatuta daude, ez baitira kalkulu zehatzak. Esate baterako, iazko maiatzean, iragarritako ekaitz-kopuruaren bikoitza izan zen Atlantikoan. Hain zuzen ere, urakanen izenen zerrenda motz geratu zitzaien.

Nolanahi ere, aurtengo izen-zerrenda prest dago, eta, urtero bezala, hogeita bat izen sartu dituzte:

  1. Alberto
  2. Beryl
  3. Chris
  4. Debby
  5. Ernesto
  6. Florence
  7. Gordon
  8. Helene
  9. Isaac
  10. Joyce
  11. Kirk
  12. Leslie
  13. Michael
  14. Nadine
  15. Oscar
  16. Patty
  17. Rafael
  18. Sandy
  19. Tony
  20. Valerie
  21. William

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia