Uraren bi isomeroak bereizita, erreaktibitatean aldea dutela frogatu dute
2018/05/29 Galarraga Aiestaran, Ana - Elhuyar Zientzia Iturria: Elhuyar aldizkaria
![uraren-bi-isomeroak-bereizita-erreaktibitatean-ald](/media/photologue/photos/cache/171515_article_big.jpg)
Ur-molekulak bi isomero ditu: bi hidrogeno-atomoen espin nuklearrak norabide berean badaude, orto-ura deitzen zaio; kontrako norabidean badaude, berriz, para-ura. Orain, Baselgo Unibertsitatean (Hanburgo), biak bereizi dituzte, eremu-elektrikoetan oinarritutako sistema baten bidez. Horrez gain, erreakzio-ezaugarri desberdinak dituztela frogatu dute: para-urak orto-urak baino % 25 azkarrago erreakzionatzen du diazenilio-ioiekin.
Nature Communications aldizkarian eman dute ikerketaren berri. Zehaztu dutenez, egin duten esperimentuan, zero absolututik gertuko tenperaturan aritu dira, horrek erraztu egiten baitu erreakzio kimikoan parte-hartzen duten molekulen egoera kontrolatzea.
![](https://elia.eus/static/elhuyar/img/elia_RGB.png)
Gai honi buruzko eduki gehiago
Elhuyarrek garatutako teknologia