Asmatzaileen etxea

Nafarroako Unibertsitate Publikoaren erakunde bat da Jerónimo de Ayanz zentroa. XVI. Mendeko asmatzaile nafar bat izan zen Ayanz eta zentroan, nolabait, XXI. mendeko asmatzaileak direla esan daiteke. Ikerketa-ekosistema gisa definitzen dute zentro hori, unibertsitateko ikerketa-institutuen egoitza delako, batetik, eta bestetik, han, jakintza arlo ezberdinek bat egiten dutelako.