Elhuyar zientziaren komunikazioa

Beirazko mikroorganismo gardenak

2010/02/01 Iturria: Elhuyar aldizkaria

GIBarekin hasi zen, eta azkena H1N1 birusa izan da. Luke Jerram-ek hainbat birusen eta bakterioren beirazko eskulturak egin ditu azken bost urteetan, Glass Microbiology proiektuan. Mikroorganismoen irudiak koloreztatzeari buruzko hausnarketa egin du Jerramek. Izan ere, mikroorganismoen irudiei kolore faltsuak ematen zaizkie sarri; batzuetan, helburu zientifikoekin, eta, beste askotan, estetika hutsagatik. “Zenbat jendek uste du birusak kolore bizikoak direla?”, galdetzen du Jerramek bere webgunean; “Eta nola eragiten dute koloreek irudi horien pertzepzioan?”.

Hala, koloreak alde batera utzi, eta hiru dimentsioko eskultura gardenak egin ditu Jerramek. Eta gizaterian inpaktu nabarmena izan duten birusak eta bakterioak aukeratu ditu horretarako. Izan ere, mikroorganismo horiek duten arriskuaren eta edertasunaren arteko tentsioa ere bilatu du artistak.

Bristolgo Unibertsitateko Andrew Davidson birologoaren laguntzarekin, hainbat argazki eta eredutan oinarritu da diseinuak egiteko, eta Kim George, Brian Jones eta Norman Veitch beira-putzegileekin elkarlanean osatu ditu eskulturak.

Beira-putzegileen tekniken mugan ibili da Jerram; “nire diseinu batzuk ezinezkoak ziren beiraz egiteko”. Eta gauza bera alde zientifikoari dagokionez ere: “Ederra izan da birusak irudikatzeko zientziak dituen mugak esploratzea. Zientzialariak ez dira gai izan nire galdera askori erantzuteko; esaterako, zehazki nola dago RNA pilatuta kapsidearen barruan?”.

Ikusi galeria moduan

Hegazti-gripearen birusa (HSN1)

Hegazti-gripearen birusa (HSN1)

Baztangaren birusa

Baztangaren birusa

SARS birusa
H1N1 birusa (esferikoa)
H1N1 birusa (oboidea)
jerram-2_873.77985211
Luke Jerram

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia