Elhuyar zientziaren komunikazioa

Sokotora: beste mundu bat

2010/12/01 Iturria: Elhuyar aldizkaria

Argazki guztiak ikusi

Sokotorara iristen den bisitariak beste inon ikusi ez dituen zuhaitz eta landare bitxiak ikusiko ditu. Eta beste mundu batean dagoela sentituko du.

Afrikako adarretik ekialdera dagoen artxipelago bat da Sokotora; gaur egun, Yemen-en parte da. Lau uhartek osatzen dute artxipelagoa, baina azaleraren % 95 uharte bakarrak betetzen du (3.625 km 2 ), artxipelagoari izena ematen dion uharte nagusiak, hain zuzen ere.

Basamortuko klima du; beroa eta lehorra. Eta haizeak gogor jotzen du. Kontinentetik oso isolatuta egoteak eta uharteko baldintza gogorrek eragin handia izan dute bertako bizidunengan. Hala, artxipelagoko 835 landare-espezietatik 308 (% 37) endemikoak dira; hau da, ez dira munduko beste inongo txokotan bizi. Horietako bat da, esaterako, dragoi-odolaren zuhaitza ( Dracaena cinnabari ). Haren izerdi gorria da "dragoi-odola", eta hainbat erabilera izan ditu antzinatik: medizina, tindagai, berniz...

Hegaztietan ere aberatsa da. 200 bat espezie ditu; 10 endemikoak. Eta narrastien kasuan, berriz, 31tik 28 artxipelago horretan soilik aurki daitezke. Bizidun desberdinez betetako mundu bat da Sokotora, biodibertsitatearen altxor bat.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia