Putreei buruzko hitzaldi-tailerra

SEO/BirdLife-ko Asturiaseko ordezkari eta Mehatxatutako Espezieen Kontserbaziorako Programaren arduradun Nicolás López-Jiménezek hitzaldi interesgarria eskainiko du iberiar penintsulako saiei, beren mehatxuei eta kontserbazioari buruz. López-Jiménezek sai edo putreen mundura gerturatuko gaitu. Pairatzen dituzten mehatxuen ondorioz, hegazti horiek gaur egun oso kontserbazio-egoeran larrian daude, eta mehatxu horietako batzuk (isileko ehiza...) gutxitu diren arren putreek hiltzen jarraitzen
dute linea elektrikoetan elektrokutatuta, edota beren edo aerosorgailuen kontra talka eginda. Nolanahi ere, SEO/BirdLife-Asturiaseko kideak dio "zalantzarik gabe, gaur egun Iberiar penintsulako putreen mehatxu handiena beren portaera trofikotik eratorria da, alegia, beren elikadura motagatik eta hilotzetatik elikatzeko duten menpekotasunagatik, gorpu horien urritasunagatik eta eduki dezaketen gai toxikoengatik, oso zaurgarriak dira hildako abelburuen pozoidurarekiko". Horregatik, putre iberiar espezie gehientsuenenheriotza-arrazoi nagusia dira pozoitutako amu edo jakiak. Zenbait lekutan pozoitutako
amuen erabilerak behera egin du, baina mehatxu berri bat sortu da hainbat agintarik baimena eman dutelako abelburuak sendatzeko zenbait albaitaritza-sendagai erabiltzeko (diclofenaco), eta putreentzat hilkorrak izanik, "ia erabateko desagertzea eragin dute Asiako zenbait herrialdetan".