Zientzia-dibulgazioko Aventis Saria, itsasoari buruzko liburu batengatik

Nahiz eta beste izen batzuk erabili diren, zientzia-dibulgazioko Aventis Saria 1998. urtetik ematen da, eta esparru horretako munduko saririk garrantzitsuentzat har daiteke. Kunzig-ek 10.000 libera jaso zituen Londresko Zientzia Museoan.

Deialdi horretan umeentzat idatzitako zientzia-dibulgazioko liburuek sari berezia dute. Aurtengoan Michael Allaby idazleak irabazi du Guide to Weather (Eguraldiaren Gida) liburuarekin.

Oxford Unibertsitateko Sir David Weatherall izan zen epaimahaiburua, eta Mapping the Deep liburuari buruz hauxe esan zuen: "liburu horrek itsaso sakoneko misterioak erakargarri bihurtzen ditu".

Bestak beste, itsasoak kliman duen eragina aztertzen du, eta planktonaren mugimendu eta kantitateak kontrolatuz gero, klima-aldaketaren joera alda daitekeela esaten du.