Elhuyar zientziaren komunikazioa

Zer da Doppler efektua?

2000/04/26 Elhuyar Zientzia

Doppler efektua Christian Johan Doppler-ek deskribatu zuen 1842an eta horregatik darama bere izena.

Demagun iturri batek maiztasun finko eta konstanteko uhina igortzen duela. Behatzaile finko batek horixe behatuko du: maiztasun konstanteko uhina. Baina iturria mugitzen hasten denean, behatzaile finkoak igorritako uhinaren maiztasuna ez du konstantea ikusiko, aldakorra baizik.Iturria urrutiratzen bada, geroz eta maiztasun txikiagoko uhinak behatuko ditu behatzaileak eta iturria hurbiltzen bada, berriz, geroz eta maiztasun handiagoko uhinak.

Horixe da Doppler efektua: uhinaren iturria eta behatzailea erlatiboki mugitzen ari direnean, elkarrekiko hurbildu eta urrundu ahala behatzaileak jasotzen duen uhinaren maiztasuna txikiagoa edo handiagoa izatea.

Horregatik, urruntzen ari denean, anbulantziaren sirenaren soinua baxuagoa iruditzen zaigu eta hurbiltzen ari denean, berriz, altuagoa. Baina izan, soinua beti berdina da.

Doppler efektua soinuari, argiari edo irrati-uhinei aplika dakieke. Eta efektu horri esker izar edo galaxia batek lurrarekiko duen mugimendu erlatiboa neur daiteke.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia