Elhuyar zientziaren komunikazioa

Zartadura gehiagorik ez 3D inpresio metalikoan

2017/09/20 Agirre Ruiz de Arkaute, Aitziber - Elhuyar Zientzia Iturria: Elhuyar aldizkaria

zartadura-gehiagorik-ez-3d-inpresio-metalikoan
Metodologia berri batek 3D inpresio metalikoan nanopartikulen hautsa erabiltzea proposatzen du. Ohi bezala, laserra hauts metalikoa geruzaz geruza fusionatzen joango da, baina sortzen den hiru dimentsioko objetu metalikoa sendoagoa izango da. Arg. B. Ferguson

Metalekin 3D inpresioa egiteak benetako iraultza ekarriko luke industrian, diseinu metalikorako aukerak ikaragarri handituko bailirateke. Praktikan, ordea, oso gutxi dira erabili daitezkeen aleazio metalikoak, materiala zartatzen joatea eragiten baitute 3D inpresioaren fusio- eta solidifikazio-dinamikek. Zientzialariek arazoa konpondu berri dute, metala geruzaz geruza gehitzeko prozesuan solidifikazioa kontrolatzen duten nanopartikulak sartuta.

Hidrogenoz egonkortutako zirkonio-nanopartikulak erabili dituzte, kasu honetan erresistentzia handiko aluminio-aleazioak estaltzeko. Nature aldizkarian aurkeztu dute metodologia berria, eta agerian utzi dute nanopartikulen laguntzaz inprimatutako piezak ez direla zartatzen, eta forjaz sortutako materialen pareko sendotasuna dutela. Metodologia hau 7075 eta 6061 aluminio-aleazioekin garatu badute ere, bestelako aleazioekin ere erabil daitekeela azpimarratu dute.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia