Elhuyar zientziaren komunikazioa

Lupulu-zaporeko garagardoa, lupulurik gabe

2018/03/20 Etxebeste Aduriz, Egoitz - Elhuyar Zientzia Iturria: Elhuyar aldizkaria

lupulu-zaporeko-garagardoa-lupulurik-gabe

Lupulurik gabe garagardoari lupulu-zaporea ematea lortu dute, garagardoa egiteko erabiltzen den legamia eraldatuta. Lupulu-zaporea ematen duten bi molekula sortzen ditu eraldatutako legamiak.

Lupulua garestia izateaz gain, garagardoari ematen dion zaporea kontrolatzea ez da erraza izaten. Izan ere, lupulu-loreek duten olio esentzialak ematen du zaporea, eta loreen olio-edukia aldatu egiten da, landareen genetikaren, ingurunearen eta prozesamenduaren arabera.

Ikertzaileek geraniola eta linaloola sortzeko gai den legamia sortu dute. Bi molekula horiek lupuluaren olio esentzialaren parte dira, eta lupulu-zaporearen erantzule nagusiak. Mendaren eta albakaren DNA txertatu dute legamiarenean, eta hala lortu dute legamiak berak ematea lupulu-zaporea garagardoari. Nature Communications aldizkarian argitaratu dute lana.

Berrogei pertsonak itsuan egindako dastaketek erakutsi dute legamia honekin egindako garagardoak lupulu-zapore gehiago duela, ohiko lehortutako lupulu-loreekin egindakoak baino. Hala ere, ikertzaileek aitortu dute linaloolarekin eta geraniolarekin oinarrizko lupulu-zaporea lortzen den arren, seguruenik lupulu-zapore osoan molekula gehiagok parte hartzen dutela.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia