Elhuyar zientziaren komunikazioa

Erleentzat arriskutsuak diren hiru intsektizida debekatu dituzte

2018/05/03 Agirre Ruiz de Arkaute, Aitziber - Elhuyar Zientzia Iturria: Elhuyar aldizkaria

erleentzat-arriskutsuak-diren-hiru-intsektizida-de
Intsektu polinizatzaileek biodibertsitatean eta elikagaien ekoizpenean duten garrantziak eraman ditu neurriok hartzera. Arg. DollarPhotoClub

Europar Batasunak hiru intsektizida neonikotinoideren erabilera debekatzea erabaki du. 2018ko otsailean Nature aldizkarian argitaratutako ikerketa baten arabera, pestizidez tratatutako soroetan, lore-hautsaren bidez neonikotinoide-maila arriskutsuak jasotzen dituzte erleek eta bestelako polinizatzaileek. Paralisia eta heriotza eragiten diete, eta erleen populazioak arriskuan jar ditzaketela ondorioztatu dute. Hala, hainbat urteko eztabaidaren ondoren, klotianidina, imidakloprida eta tiametoxama debekatzea erabaki dute.

Neurri berria urte bukaeran jarriko da martxan, baina argitu dute debekua aire zabalean bakarrik ezarriko dela. Alegia, berotegi finkoetan erabiltzeko aukera izango da, erleek sarbide mugatua izango dutelakoan.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia