Elhuyar zientziaren komunikazioa

Entzun Zientzia.net

Birus-kantzerraren eboluzioa

1992/12/01 Elhuyar Zientzia Iturria: Elhuyar aldizkaria

Pariseko Pasteur Institutuko ikerlari-talde batek, birusek eragindako zenbait kantzerren garapena gorputzeko defentsek eragindako kontrolaren araberakoa dela esan du.

Papilomabirusek eragindako tumoreen eboluzio positiboa edo negatiboa, inmunizazio-sistemaren zenbait osagairen araberakoa da.

Papilomabirusetan 66 mota desberdin dira ezagunak eta larruazaleko eta aho-muki, muki genital zein faringe-mukietako zelulak infektatzen dituzte.

Birus hauek, animaliengan eta gizakiengan tumore onberak sortzen dituzte. Oro har tumore hauek ez dira gehiegi hazten eta tratamenduren batez sendatu egiten dira. Baina, batzuetan kantzeroso bihur daitezke eta kartzinoma gisa bukatu.

Ikertzaileek, batez ere kantzerigeno izan daitezkeen papilomabirusek sortutako lesio hauen eboluzioa aztertzen dute. Lesio hauetan birus-kantzerra azal daiteke eta une horretan gure inmunizazio-sistemak berebiziko garrantzia du. Onkologoek badakite garatxo eta kartzinoma gehiago izaten dela pertsona inmunodeprimituengan giltzurrun-transplantea izan dutenengan edo HIES dutenengan, besteengan baino.

Are gehiago, garatxo-mota hauek joaten direnean, bapatean desagertzen dira. Zientzilariek esan dutenez, sendatzen ari diren garatxoen barnean linfozitoak eta makrofagoak izaten dira. Beraz, zelula hauek zeresanik izango dute sendabide honetan.

Pasteur Institutuko ikerketa-buru den Orth doktorearen arabera, papilomabirusek sortutako lesioen eboluzioan kontrol inmunologikoa dago.

Beraz, gaur egun susmoa besterik ez dena, laster frogatzea espero da.

0.0/5 rating (0 votes)

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago
DokuSare bidez

Elhuyar sarean

Babesleak
Eusko Jaurlaritzako Industria, Merkataritza eta Turismo Saila