Elhuyar zientziaren komunikazioa

Beira ere kamaleoia da

2000/03/01 Elhuyar Zientzia Iturria: Elhuyar aldizkaria

Alemaniako Dresden hiriko banku batek lehenengoz erabili ditu argi-intentsitatearen arabera gardentasuna aldatzen zaion beirazko leihoak.

Egindako saiakuntzek material hori eraikinak klimatizatzeko beharrezko izan ohi den energiaren % 50 aurrezteko bidea dela adierazi dute. Beiraren gainazalean wolframio oxidozko geruza mehea itsatsita dago eta geruzan zehar pasatzen den intentsitate txikiko korronte elektrikoak mintzaren kolorea aldarazten du. Horrela, beira gardena urdin bihurtzen da. Kaletik datorren argiaren intentsitatea oso handia denean, beirak gardentasuna galdu egiten du eta eraikina fresko mantentzeko aire girotu gutxiago behar denez, energia aurrezten da.

Argiaren intentsitatea txikiagotzen denean, aldiz, beirak hasierako gardentasuna berreskuratzen du eta argi artifizialaren beharra txikiagoa da. Eraikin osoko leihoetako beiraren gardentasuna modu zentralizatuan kontrola daiteke gainera.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia