}

Moeraki harkaitzak

2012/09/01 Elhuyar

Pluckytree/CC-BY-NC-ND

Egilea: Pluckytree/CC-BY-NC-ND.

Ed 37/CC-BY-NC-SA

Egilea: Ed 37/CC-BY-NC-SA.

Celebdu/CC-BY

Egilea: Celebdu/CC-BY.

Celebdu/CC-BY

Egilea: Celebdu/CC-BY.

Pluckytree/CC-BY-NC-ND

Egilea: Pluckytree/CC-BY-NC-ND.

Duela 60 milioi urte, itsas hondoko sedimentuan harrizko bola batzuk hasi ziren sortzen. Nukleo batzuen inguruan sedimentuen zementazioz osatutako konkrezioak; urteak pasatu ahala, gero eta handiagoak. Gero, lurrazalean gelditu ziren itsas hondoko sedimentu-geruzak, eta, higaduraren poderioz, agerian inguruko sedimentuak baino gogorragoak ziren harrizko esferak. Moeraki harkaitzak dira.

Zeelanda Berriko hegoaldean daude, Moeraki eta Hampden herrixken artean, Koekohe Beach hondartzan. Handienek 2 metroko diametroa dute eta 7 tona inguru pisatzen dute; txikienak, berriz, futboleko baloi baten tankerakoak dira. 50 bat dira guztira. XIX. mendeko argazkien arabera, gehiago ere izan ziren, baina, dirudienez, txikienak jendeak eraman ditu, lorategian jartzeko, edo oroigarri gisa... Gaur egun, legez babestuta daude, eta debekatuta dago haiek hondatzea, mugitzea, edo graffitiak egitea.

eu es fr en ca gl

Gai honi buruzko eduki gehiago

Elhuyarrek garatutako teknologia