Elhuyar zientziaren komunikazioa

Halong badia

2009/10/01 Iturria: Elhuyar aldizkaria

Argazki guztiak ikusi

Halong badia Tonkingo golkoan dago, Vietnamgo ipar-mendebaldean. Edertasun paregabeko agertoki naturala da; ipuin magiko batetik ateratakoa dirudien toki lasai-lasaia.

Kostako 120 kilometroan zehar hedatzen da badia, eta, haren ur-azalean, hainbat tamainatako 2.000 uhartetxo ageri dira landaretzaz estalita. Kondaira batek dioenez, herensuge sakratu batzuek sortu zuten Halong badia. Herensugeak zerutik etorri ziren, vietnamdarrak inbasio batetik babesteko. Baina ahotik ez zuten sua jaurtitzen, jade-zati erraldoiak baizik. Jade-zatiak uharte bihurtu ziren, eta, orduan, arerioak ez izan zuen aurrera egin.

Geologoen bertsioa oso bestelakoa da. Zientifikoen arabera, badia sorrarazi zuen prozesua orain dela 240 milioi urte hasi zen, munduko txoko hau sakonera txikiko itsaso epel bat zenean. Itsaso hartan bizi ziren koralen, moluskuen eta arrainen eskeletoek kaltzita-metaketak sortuz joan ziren, eta kaltzita da, hain zuzen, uhartetxoen egitura osatzen duen kareharriaren oinarria. Gero etorritako mugimendu tektonikoak metaketa horiek tolesten hasi ziren, ur-azalaren gainetik jasotzen eta apurtzen. Denborak aurrera egin ahala, itsasoak eta euriak lur-zati horiek moldatu zituzten, gaur egungo itxura hartu zuten arte. Kanpotik ikusita, uhartetxoak trinkoak dirudite; baina, barrutik, uraren higaduraren eraginez, guztiz zulatuta daude.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia