Zientziaren Giltzak Elkarteak antolatutako hitzaldia. Arturo Elosegi ekologoak Euskal Herriko ibaien egoeraren inguruko hitzaldia eskainiko du. Izan ere, duela mende erdi Euskal Herriko ibai gehienak egoera penagarrian zeuden. Geroztik administrazioek lan handia egin dute uraren kalitatea hobetzeko, eta poliki-poliki bizia itzultzen ari da gure ibai eta erreka askotara. Izokinaren itzulera famatua izan da zentzu honetan. Dena den, arazo guztiak ez dira konpondu: kutsatzaile berriak ageri dira gure ibaietan, habitat fisikoa oso degradatuta dago, eta zenbait espezie, hala nola ibai-karramarroa, ur-satorra eta bisoi europarra, oraindik gainbeheran daude.

Hitzaldiaren inguruko informazioa osatzeko: http://zientziarengiltzak.org/