Elkarrizketa: Hiria birpentsatzen. Gaurko konpromiso klimatikoa etorkizunari begira

Klima aldatzen ari da, zerbait egin behar dugu. Gogoeta kolektiboko bi urteren ondoren, Klima-Aldaketaren erronka asmo handiko eta ibilbide luzeko Plan batean irudikatu da. Hiria bere aklimataziorako birpentsatzeak dakar, alde batetik, karbono-isurpenak murrizteko Donostian burutu beharreko neurri multzoa garatzea eta, bestetik, hiria etorkizuneko belaunaldiak bizi izan beharko duten agertokietara moldatzea.

Ekainaren 27an, asteazkena, arratsaldeko 19:00etan San Telmo Museoan, Ane Oyarbide, Ingurumen Zinegotziak, eta Josu Benaito, Ingurumen saileko zuzendariak, elkarrizketan arituko dira hiriarekiko eta planetarekiko konpromiso klimatiko honen inguruan, bertaratutakoen iritzia ere aztertuz.