}

Agenda

Dolmenen Ibilbidea

Data: 2017/09/10
Ordua: 10:00
Herria: Elgoibar / Soraluze / Bergara
Lekua: Karakateko aparkalekutik abiatuta

Elgoibarko, Soraluzeko eta Bergarako Udalek, Debegesa garapen agentziarekin elkarlanean, Dolmenen Ibilbidea ezagutzeko bisita gidatua antolatu dute iganderako (irailak 10). Doan izango da. Euskaraz izango da eta beharrezkoa da aurrez izena ematea 657 79 46 77 telefonora deituz edo info@begi-bistan.com helbidera idatziz.

Dolmenen Ibilbidearen balio arkeologikoa eta geologikoa zein paisaia-balioa ezagutzera emateko doako bisita gidatua egingo da igandean, irailak 10. Goizeko 10:00etan hasiko da, Karakateko aparkalekutik abiatuta. Bisita gidatua euskaraz izango da.

Elgoibar, Soraluze eta Bergarako udalerriak lotzen ditu Dolmenen Ibilbideak eta balio arkeologiko handia du; bertan Neolitoko eta Brontze Aroko tumuluak eta trikuharriak aurkitzen dira. Antzinako giza taldeek horrelako mendilerroak, paisaiaren mugarri nagusi zirenak, aukeratu zituzten hildakoak ehorzteko eta beren lurraldea seinalatzeko. Monumentu megalitikoen bidez utzi diguten ondarea antzinako ehorzte-errituekin lotuta dago.

9 kilometroko ibilbidea egingo dute, Karakate eta Irukurutzeta artean. Ibilaldian parte hartuko dutenei gomendatzen zaie arropa erosoa eta mendiko oinetakoak eramatea. Ibilbidearen amaieran parte-hartzaileek gazta, ogia eta sagardoa dastatzeko aukera izango dute.

Igande honetakoaz gainera, beste bi bisita gidatu egingo dira aurten: irailaren 24an (gaztelaniaz), eta urriaren 8an (euskaraz).

2024 - Martxoa
al ar az og ol lr ig
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31